Адкрыты набор на Летнюю лабараторыю фем-пісьма "Расцяжэнне"
Расцяжэнне - гэта летняя пісьменніцкая анлайн лабараторыя, прысвечаная пратэстнай і эмігранцкай траўме. Лабараторыя будзе працаваць з чэрвеня па жнівень. Раз на тыдзень група будзе збірацца разам з запрошанымі беларускімі паэткамі і пісьменніцамі для пошуку спосабаў працы з тэмай траўматычнага досведу. У верасні, па выніках працы лабараторыі, будзе падрыхтаваны і апублікаваны зін з тэкстамі ўдзельні_ц.
Гэтая лабараторыя для дзяўчын, жанчын, транс і небінарных людзей, якія ці знаходзяцца ў Беларусі, ці былі вымушаныя пакінуць яе. Для ўдзелу ў лабараторыі не трэба папярэдніх публікацый ці выдання сваіх прац. У лабараторыі будуць выкарыстоўвацца беларуская і расейская мовы.
Дэдлайн падачы заяўкі: 10 чэрвеня 2022
Дазнацца больш пра лабараторыю і падаць заяўку можна тут: http://rasciajenne.com/
@ComehereMinsk
