ӨРӨСПҮҮБҮЛҮКЭ КҮНҮГЭР АНАННА
Муус устар 27 күнүгэр Саха Өрөспүүбүлүкэтин күнэ бэлиэтэнэр.
Чурапчы сэлиэнньэтигэр бу бырааһынньыгы бэлиэтииргэ аналлаах митинг ыытылынна. Чаҕылхай сааскы күҥҥэ мустубуттары бэлиэ датанан улуус баһылыгын бастакы солбуйааччы Егор Сивцев, улуус мунньаҕын дьокутааттарын сэбиэтин бэрэссэдээтэлэ Афанасий Захаров, Чурапчы нэһилиэгин баһылыга Владимир Сивцев, үөрэнээччи Кэнчээри Николаев эҕэрдэлээтилэр. Кинилэр Өрөспүүбүлүкэ күнүн бырааһынньыгын суолтатын, сахалар судаарыстыбаннаһы ылыныыбытыгар биир дойдулаахпыт Иван Николаевич Винокуров сүҥкэн оруолун бэлиэтээтилэр.
Бу күн улуус оскуолаларыгар үөрүүлээх линейкалар, кылаас чаастара буоллулар.
Алексей Слепцов.
