2022-08-01 09:05:03
1 АВГУСТ ХАҚИДА
Синфдошларим билан улардан бириникида имтихонга роса тайёрланганмиз, ётиб қолиб. Неча кун қолганимиз унча эсимда йўқ, хар қалай 1 августга саноқли кунлар қолган эди. Охирги кунимикин, кутаётган шпаргалкамиз етиб келди. Эсимда, қизил қоғозда кичкина қилиб чиқарилган, копия олишни имкони йўқ эди. Имтихонга кириш учун базавий билимларимиз етарли бўлсада, шпаргалкани хар эхтимолга қарши олиб олгандик. Ўша пайтларда хамма шунақа қиларди менимча. Чунки тест пайтида вақт масаласи муаммо бўлиб қолиши мумкин эди, тестни еча олсангизда, лекин техникангиз етарли бўлмаса, вақт етмай қолиши мумкин эди. Қисқаси, имтихон куни етиб келди, у пайтларда автобуслар қатнарди, эрталаб 06:00 лар атрофида институт биносига етиб борганман, онам билан. Кун роса иссиқ бўлгани эсимда қолган, 2001 йил эди. Шпаргалкани туфлийимда, оёғими тагига қўйиб олиб кириб кетганман. Ўзим учун аввалдан тактика ишлаб чиққандим: аввал энг осонларини ечиб оламан, кейин қийинроқларини ечаман. Охирида қолган ишлай олмаганларимни атрофдан, қолган абитуриентлардан ақллироғини топиб, сўраб кўришга харакат қилиб кўраман. Кейин шпаргалкадан фойдаланаман. Тўғрисини тан оламан, шпаргалка зўр иш берган. Имтихон жавоб варақларини тест вақти тугашидан ярим соатлар аввал топшириб чиқиб кетганман.
Яна бир нарсани айтиб ўтиб кетмасам бўлмайди, имтихондан олдин, хужжат топширишга бориш, ДТМ рухсатномасини олгани бориш жараёнларида битта группа, битта йўналишга топширган болалар билан сухбатлашиб қолганмиз. Уларни ичида битта очки таққан, галстуклар тақиб,зиёлиларча кийинган биттаси хаммани эътиборини ўзига қаратганди. Инглизчани зўр биларди, хар-хил мавзулардан гапирарди, математика, она тили адабиётлардан билимлари билан атрофдагиларни, бизни оғзимизни очиб қўярди. Шунга ўхшаш билимдонлиги сезилиб турган 3-4 та абитуриентлар борийди яна. Уларни хаммасини кўриб, хеч йўғи контрактга илашиб қоларман деб, анча шаштим пасайганийди....
Мандат куни етиб келди. Имтихондан олдин онови ақллисифат абитуриентларни кўриб анча чўчиб қолган бўлсамда, имтихондан анча ўзимга ишонган холда чиққан эдим, чунки кўп саволларни топганимга ишончим комил эди. Институтга жавобларни билгани адашмасам, мандат чиққан куни борувдим. Биз танлаган йўналишга 10 та бюджет, 20 та контракт учун талаба олинарди. Пастдан бошлаб қараб чиққанман, контрактларни қараб чиқдим йўқман, бюджет томонга чиқдим, пастида йўқ...... Бюджетга 3-ўринда фамилиям турарди!!! Ўша қоғозда фамилиямни ёзилишларигача хозирам кўз ўнгимда туради. Уйдагиларга бюджетга кирганимни айтганимда онам йиғлаб юборган эди, бу хам хеч қачон кўз ўнгимдан кетмайди....
Институтга кирганман, талабалик даврим эса алохида мавзу.....
@govines
496 viewsedited 06:05
Ў
