Ассалому алайкум, яқинларим. Бугун сизлар ЮНЕСКОнинг 'Маданий | Мир природы и животных в картинках
Ассалому алайкум, яқинларим. Бугун сизлар ЮНЕСКОнинг "Маданий меърослар"и рўйхатига кирган миллий таомимиз — Палов тайёрлаймиз.
Рецептни албатта "ширин таомлар" рўйхатингизга киритиб қўйинг
Керакли масалиқлар:
Сабзи – 1кг
Мол гўшти – 1кг
Пиёз – 2 дона
Ёғ – 0,4-0,5 л
Гуруч – 1кг
Саримсоқ – 1 дона
Таъбга кўра туз, зира
Тайёрланиши:
Дастлаб, пиёз, сабзи, гўштни тўғраб оламиз. Қозонга ёғни қуйиб, уни қиздирамиз. Сўнгра пиёзни солиб, озгина қовуриб (пиёзни қовуриш ўзингизга боғлиқ, чунки пиёзга қараб ошнинг ранги ўзгаради), гўштни соламиз.
— Гўштни ҳам озгина қовуриб, тўғралган сабзини соламиз. Ҳа, айтганча, гуручни илиқ сувда ивитиб қўйиш эсдан чиқмасин. Энди сабзини ҳам бироз қовуриб, қозоннинг қопқоғини бирозга ёпиб қўямиз. Сабзи юмшоқ бўлиб қовурилганидан сўнг, сув қуямиз, зира соламиз (зира солиш солмаслик ўзингизга ҳавола).
— Саримсоқни бутунлигича соламиз. Энди гуручни ҳам чиройли қилиб соламиз. Гуруч устидан ҳам озгина зира қўшиб юборамиз. 20-25 дақиқага паст оловга димлаб қўямиз. Чунки гуруч ёпишиб кетиши мумкин. Етарли вақтдан сўнг, паловимиз тайёр.
Ёқимли иштаҳа, азизлар
https://t.me/cakeandfoods
