2021-06-08 11:45:13
Тауарларға ілеспе жүкқұжаттарын енгізуге қатысты маңызды ақпарат «Қазақстан Республикасы Қаржы министрлігінің кейбір бұйрықтарына өзгерістер мен толықтырулар енгізу туралы» Қазақстан Республикасы Қаржы министрінің 04.06.2021 жылғы № 531 бұйрығымен тауарларға ілеспе жүкқұжаттар бойынша пилоттық жобаның мерзімдері ұзартылды.
Ұзартылған мерзімдер:
Акцизделетін өнімдер, Қазақстан Республикасының аумағына тауарларды әкелу, Қазақстан Республикасының аумағынан тауарларды әкету бойынша 2021 жылғы 1 қазанға дейін.
Виртуалды қойма арқылы ЭШФ жазып беруге жататын тауарлар бойынша (ҚМ 384 Бұйрығы) 2022 жылғы 1 қаңтарға дейін.
ДСҰ алып қою тізбесінің тауарлары және цифрлық таңбалау қолданылатын тауарлар бойынша пилоттың басталу мерзімі 2021 жылғы 1 қазанынан, аяқталу мерзімі - 2022 жылғы 1 тамызына дейін ауыстырылды.
Бұл ретте пилотты жүргізу кезеңінде
айыппұл санкциялары қолданылмайды.
Сондай-ақ, бұйрық шеңберінде
бірқатар оңтайландырулар жүргізілді:
«Шағын сауда нүктесінен» виртуалды қойма жүргізу бойынша міндеттемелер алынып тасталды.
«Шағын сауда нүктесімен» ТІЖ растау бойынша міндеттемелер алынып тасталды (акцизделетін тауарларды қоспағанда).
Құжат айналымын оңтайландыру мақсатында ТІЖ ресімделген жағдайда тауарларды басқа жаққа жіберуге арналған жүкқұжат (З-2 нысаны) және қорларды ішкі өткізуге арналған жүкқұжат (З-5 нысаны) бойынша бухгалтерлік құжаттарды ресімдеу жөніндегі міндеттемелер алып тасталынды.
328.00 СЕН (бастапқы ТІЖ негізінде) тауарларды әкелу және жанама салықтарды төлеу туралы өтінішті ұсынуды күтпей, ЭШФ жазып беру мүмкіндігі іске асырылды.
Виртуалды қойманы жүргізу және құрамында алтыны бар өнім бойынша ТІЖ ресімдеу бойынша жекелеген талаптар алынып тасталды.
Мұнай өнімдері және темекі өнімдері бойынша бір заңды тұлға шегінде ауыстыруға ТІЖ ресімдеу бойынша талаптар алынып тасталды.
Мемлекеттік кірістер комитеті
61 views08:45