2022-10-11 21:45:31
заметкалардан:
— ауылдан қалаға дейін сіңілім екеуміз InDriver-мен такси шақырттық. мен осы сервисті өзім өмірі қолданып көрмеппін. тағы сіңілім сөйлесіп, сол келісті. бір кісі бірден звондап, “жақын жердемін, 10 минут күтсеңдер, бір кісіні ала шығамын, сосын сендерді отырғызып, жолға шығып кетеміз, күте аласыңдар ма?” деді. ок деп, күтетін болдық.
онымен сол телефонмен келісіп болғанша, what’s app арқылы түрлііі ұсыныс келді: тура сол бағаға түрлі комфорт машиналар жазып бітер емес.
біз жаңағы ағаға күтеміз деп қойдық қой, келе жатыр енді деп тұрмыз
сонымен, жарты сағаттан соң сықырлаған бір Тойота келді, сыртынан түрі тәуір-ақ.
жүрген соң көлік теп-тегіс жолда да теңселіп, шиқылдай беретінін байқадық.
ішімнен, «ойбу, тура сол ақшаға комфортпен де жетер едік, оның үстіне 10 минут деп, жарты сағат күттік» деп отырғанда көзім қайта мәшине салонына түсті: жыртық-жамау, терезе айғыз-айғыз, түсініксіз сылдыр-күлдір дыбыстар…
осыдан кейін, «ее, мүмкін сол жолақысы осы көлік иесіне әлгі комфорт көліктің жүргізушісіне қарағанда қаттырақ керек болған шығар» деп ойлап, ненің дұрыс, ненің бұрыс екенін, әр нәрсенің қалай болуы керек екенін тек Аллах білуші/шешуші деген ой келе қойды.
шүкір дедім, дедім де, жол амандығын тілеп, жүргізуші ағамен жылы әңгімелесіп кете бердік.
11 views18:45
B
