Бурынлары ойланар едим. «Не ушын сырт елде, бир уллылыкка же | bkadirbergenov
Бурынлары ойланар едим. «Не ушын сырт елде, бир уллылыкка жеткен фирма болса, онын директоры жумыстан кетсе де, алмасса да, кайтыс болып калса да, неге ол фирма рауажланыуда дауам ете береди екен-ай?» Неге ол жакта исленген нарсе, бул жакта оз натийжесин бермейди деп. Буган, бугинги куни толык болмаса да турарлы жууап тапкандайман. Себеби, биринши наубетте, хеш бир улкен проектти тек бир адамнын акылына, билимине, талантына такап ислемеу керек. Себеби, ертен сол адам кетип калса, сиз жаратып атырган проект сол куни «кулайды». Хар кандай проектти копшилик болып ислеген дурыс, каракалпакта гап бар-го, «бирликли ел азбайды» деген, усы гап дурыс гап. Биригип исленген ис тегинликте куламайды. Сонынан, сол проекттин амелге асыуы ушын албетте, баскарыу ушын, амелге асырыу ушын, орынланыуы ушын кандайда бир система керек. Мысалы идеяны амелге асырыу ушын система, Амелдеги исти аткарыу ушын система, орынлау ушын система, хтб. Система болмаса сенин дуньяны ийелеп аларлык проекттин авторы болсанда амелге аспайды. Себеби, бул дуньядагы барлык нарселер системалардан куралган. Мысалы табият, хауа-райы, мамлекетти баскарыу, хамме-хаммеси. Хатте адамнын организминин озинде де бирнеше системалар бар. Мысалы, нерв системасы, кан айланыу системасы, хтб. Нерв системан бузылды ма, демек сен нормал адам катарынан шыктын дегени, кан айланыу системан бузылды ма, демек, саган соны дархал орнына койыу керек, болмаса хатте омирден де коз жумыуын мумкин. Апиуайы гана жай салыуды алын, бунда да козге коринер-коринбес системалар бириккен. Астына кум жаясан ямаса тас тогесен, не ушын, устиндеги жай кобирек саган хызмет етиуи ушын, онын устине фундамент, онын устине гербиш, ориу, оннан сон басын бастырыу, оннан сон шиферлау. Булардын барлыгынын оз уазыйпасы бар хам булардын барлыгы жамлесип бир СИСТЕМА.
«Лаккылар Лигасы»н кыялымнан кагазга, кагаздан реал омирге кошириу ушында айне усы системалардан пайдаландым. Асыкпадым, Ойландым, кимлер бул проектти амелге асырыу ушын комек бере алады, кимге кандай уазыйпаны жуклесек, ол сол уазыйпаны аткара алады. Булар бирнеше айлык процессти оз ишине камтыды. Биреу билсе биреу билмей калды, биреу сезген болса, биреу сезбейде калды. Хам,…… Алла несип етип биз бул проектти де амелге асыра алдык. Бунда катнаскан хар бир адам усы система ишиндеги хар бир детальдур. Мейли, бул бойынша кейинирек толык айтып беремен.
Биз амелге асырган бул проектти копшилик коре алмады (копшилик бизди коллап-кууатлау ушын келип кормеди демекшимен). Бизин бул мийнетимизге баха берер уактыныз келди.
Усы шемби куни, саат 22:оо де АТВ телеканалынан, «Лаккылар Лигасы»нын кешеги болып откен ойынын тамаша етсениз болады. Откерип алман. 2-болими келеси шемби куни эфирге бериледи.
ПыСы: Биз дауыслары саз шыксын деп сонша 9 микрофонды алдыннан таярлап койсакта, бираз пант берди. Мейли, келеси ойынларга буннанда жаксы таярланамыз.
Дауамы бар…
@bkadirbergenov
