2021-08-19 20:46:12
“Azərbaycanın Teleqram kanallarını tanıdaq” layihəsi
Həyata keçirdiyimiz layihənin başlıca məqsədi Azərbaycanın Teleqram kanallarını oxucularımızla tanış etmək və kanallar arasında qarşılıqlı əlaqə yaratmaqdır. Hər bir telekanal fəaliyyət istiqaməti barədə məlumat verməklə bizim kataloqumuzun yaradılmasına köməklik göstərəcəkdir. Nəticədə oxucularımız Azərbaycanın Teleqram kanallarını tanımaqla istənilən kateqoriyaya uyğun olaraq informasiya əldə etmək imkanı qazanacaqdır. Belə ki, yaradacağımız bazaya müraciət edən oxucumuz istəyinə uyğun mövzu üzrə (siyasi, hərbi, iqtisadi, elmi, tarixi, dini, tibbi, texnoloji və s.) geniş məlumat əldə edəcəkdir.
Bundan əlavə, kataloq sistemi yaradıldıqdan sonra, birgə aparacağımız təhlillər əsasında Azərbaycanda oxucu auditoriyasının maraq göstərdikləri sahələri tam müəyyən olunacaqdır. Bu da öz növbəsində hər bir kanallın gələcək fəaliyyətinin optimallaşmasına köməklik göstərəcəkdir.
Bizim kataloqa qoşulmaq istəyən kanallardan müvafiq ünvana (
@aztgrm_bot) aşağıdakı qaydalar üzrə müraciət göndərməsini xahiş edirik:
1. Kanalın kateqoriyası
2. Kanal barədə qısa məlumat
3. Kanalın ünvanı (link)
Qeyd: Layihəmizin geniş oxucu auditoriyasını əhatə etməsi üçün kanalımız barədə informasiya paylaşmağınız zəruridir. Xahiş olunur bizə kanalınız barədə məlumatları göndərməmişdən əvvəl "Teleqram kanallarımızı tanıdaq" layihəsi ilə bağlı informasiyanı (@aztgrm/38) öz kanalınızda paylaşasınız.
Bizə dəstək olduğunuz üçün sizə təşəkkür edirik və birgə fəaliyyətimizdə uğurlar arzu edirik.
Biz birlikdə güclüyük!
2.6K viewsedited 17:46
T
