Azatlıq Radiosı

2022-09-01 11:02:13 Милитари мәктәпләр - СССРга кире кайту.

Белем көне тәмасын дәвам итеп, бүген Азатлыкта чыккан мәкаләне тәкъдим итәбез. Яңа уку елында мәктәпләрдә үзгәрешләр күп. Мәсәлән, һәр дүшәмбе балалар өчен махсус патриотик линейкалар уздырылачак. Байраклар күтәрү, гимннар җырлау, үрә кату, маршларда атлаулар... Моннан тыш "Разговоры о важном" дигән махсус дәресләргә җыеп балаларга Русиянең Украинага башлаган сугыш сәбәпләрен аңлатачаклар. Бу эш барысы да укытучылар җилкәсенә төшәчәк. Алар арасында моны тискәре кабул итүчеләр бар.

Менә берничә мөһим фикер.

"Бу – СССРны комадан чыгару тырышлыгы. Патриотизм дип "совок"ны сагынучылар аны кайтарырга тели. Мин СССРда үстем, әмма аның ялган булуын барысы да белә иде. Бу да шулай. Маршлар, байраклар, гимнарны җырлау кирәк ул, әмма ул тантаналы вакытта гына, сирәк-мирәк кенә урынлы. Атна саен үрә катып йөрүләр, гимн җырлауның кадере калмый".

"Класстан тыш дәрес бер-ике тапкыр узар ул, балаларны тезеп утыртырлар, аларны видео яки фотога төшерерләр дә мәгариф министрлыгына хисап буларак җибәрерләр. Узганмы? Узган! Тагын ни кирәк? Мондый хисап бирү системы инде күптән гамәлдә. Фото булса, җиткән".

"Түрәләр укытучылар аркылы Көнбатышка каршы нәфрәт тәрбияләргә тырыша, Русияне санкцияләр белән буалар, Русия каһарманнарча гаделлек өчен Көнбатышка каршы көрәшә, бу – безнең Ватан, аның өчен җан бирү дә игелекле гамәл дип сеңдерергә тели. Барып чыкмаячак, яшьләр ябык геттода яшәргә теләми".

Азатлык аралашкан укытучылар мәктәптә контроль артканын әйтә, алар үзләрен Оруэллның "1984" антиутопиясендә яшәгән кебек хис итәбез дип сөйли.

Тулы мәкаләр безнең сайтта.
Ачылмаса, көзге-сайт.

Һәм сезнең дә фикерләрегез безнең өчен мөһим. Мәктәпләргә хәрбилек төсмерләр керүен сез ничек бәялисез? Открыть/Комментировать

2022-09-01 09:57:36 "Лукойл" нефть ширкәтенең директорлар шурасы рәисе Равил Маганов тәрәзәдән сикереп һәлак булган. Ул Мәскәү хастаханәсенең 6 катыннан килеп төшкән дип хәбәр итә "Татар-информ". Равил Магановка 67 яшь булган, ул "Татнефть" ширкәте башлыгы Наил Магановның бертуган абыйсы. Открыть/Комментировать

2022-09-01 09:27:37 Бүген Татарстан белән Башкортстанда Белем көне бәйрәме. Котлы булсын! Балалар тыныч, имин тормыш белән яшәргә хокуклы. Хәерле белемнәр алсыннар, татар һәм башкорт милләтенең асыл уллары һәм кызлары булып үсеннәр.

Сүз уңаеннан, беренче сыйныфка баланы җыяр өчен ир балага 18 мең сум, ә кыз балага 22 мең сум кирәк дип санап чыгарган Татарстанстат. Мәктәп җыелмасына форма, аяк киеме, канцеляр кирәк-яраклары кергән.

Баласын мәктәпкә җыючы ата-аналар, әйтегезче, түрәләр әйткән саннар дөресме? Сезнең кесәдән ничә сум чыкты? Открыть/Комментировать

2022-09-01 08:54:45 Хәерле иртә, дуслар. Бүген – 1 сентябрь, Русиянең Украинага каршы алып барган сугышның 190нчы көне. Бу сәгатькә яңалыклар мондыйрак:

Запорожьеның Энергодар шәһәрендә атышлар булды, әле дә дәвам итә. Атышта ике як та бер-берсен гаепли. Шәһәр башлыгы Дмитрий Орлов Русия гаскәре иртәнге 5тән бирле атуны туктатмый дип белдерде. Русия ягы Украина гаскәре атуны оештырды һәм өч кешенең һәлак булуын әйтә. Анда бүген МАГАТЭ вәкилләре килергә тиеш.

АКШ фикеренчә, Русия Украинадагы сугышта хәрбиләргә кытлык кичерә һәм аларның санын арттыру юлларын эзли. Бу хакта CNNга АКШ түрәләре сөйләгән. Аларның мәгълүмаларына күрә, Русия Украина төрмәләрендә утыручылар арасында “вербовка” уздырырга ниятли. Русия ягында сугышкан өчен алар акланачак һәм акчалата компенсация түләнәчәк дип вәгъдә итәләр.

29 августта Швейцариядә тоткарланган Pussy Riot вәкилләре Мария Алехина, Люся Штейн, Тасо Плетнерның һәркайсысына 400 франк (бу якынча 25 мең сум) штраф салды. Алар бордюрга сугышка каршы рәсем ясаганнар иде.

Finiko финанс пирамида эше нигезендә тагын 4 татарстанлы федераль эзләүгә игълан ителгән. Бу – Игорь Гаврась, Евгения Лоскутова, Альберт Минһаҗев, Екатерина Овдина. Тулысы белән 8 кешене эзлиләр, алар кеше алдауда шикләнелә. Мошенниклардан 20 мең кеше алданган, тулысы белән финанс пирамидан зыян салыну күләме 5 млрд сум белән исәпләнә.

Музыкант, җырчы Юрий Шевчук Уфа мәхкәмәсенең аңа 50 мең штраф салу карары белән килешмичә шикаять язган. Аппеляция шикаяте Башкортстанның Югары мәхкәмәсенә тапшыралачак.

Әлеге сәгатькә менә шулар. Көн дәвамында безнең Telegram-да оператив хәбәрләр чыгып бара, сайтка да күз салыгыз, Instagram-га да кереп чыккалагыз. Һәркайсысында уникаль контент. Безне укып баручыларга – рәхмәт! Открыть/Комментировать

2022-08-31 19:15:06 "Горбачев Татарстанның мөстәкыйльлегенә юл ачты" Горбачев мирасы Русиядә бәхәсле булып кала. Хәбәрдарлык тарафдарлары аны мактаса, СССРның таркалуын афәт дип санаучылар нәфрәт итә. Ничек кенә булмасын, бу шәхеснең тарихка йогынтысы зур булды. Татар-башкорт… Открыть/Комментировать

2022-08-31 19:01:32 Вильнюста сугышка каршы "Ирекле Русия конгрессы" ачылды

Форум 31 августтан 2 сентябрьгә кадәр барачак. Аның максаты — Русиянең Украинадагы сугышына каршы чыгыш ясаучы русияләрне, шулай ук Путин диктатурасына каршы торучы Украина халкын яклаган Европа илләре һәм халыкара оешмалар вәкилләрен бер мәйданчыкта туплау.

Катнашучылар арасында Виктор Шендерович, Евгений Чичваркин, Михаил Ходорковский, Гарри Каспаров, Юлия Латынина, Дмитрий һәм Геннадий Гудковлар, Дмитрий Быков, Леонид Невзлин, Сергей Гуриев, Сергей Алексашенко, Альфред Кох, Константин Эггерт, Владислав Иноземцев, Александр Морозов бар.

Чараның халыкара кунаклары — Латвия саклану министры Артис Пабрикс, Эстониянең элекке президенты Томас Хендрик Ильвес, Украина президенты администрациясе җитәкчесе киңәшчесе Алексей Арестович, Hermitage Capital Management ширкәтенә нигез салучы Билл Браудер, АКШның Русиядәге элекке илчесе Майкл Макфол, шулай ук Литва, Польша хөкүмәте вәкилләре һәм Европа парламенты депутатлары.

@azatliqradiosi Открыть/Комментировать

2022-08-31 18:45:06 Европа берлеге русияләргә гадиләштерелгән тәртиптә виза бирүне туктата Бу хакта Европа берлегенең югары вәкиле Жозеп Боррель белдерде. Бу Русия ватандашларына Европа берлегенә керүне кыенлаштырачак һәм кыйммәтрәк итәчәк, диде ул. Виза өчен 35 евро урынына… Открыть/Комментировать

2022-08-31 18:30:24 Европа берлеге русияләргә гадиләштерелгән тәртиптә виза бирүне туктата

Бу хакта Европа берлегенең югары вәкиле Жозеп Боррель белдерде. Бу Русия ватандашларына Европа берлегенә керүне кыенлаштырачак һәм кыйммәтрәк итәчәк, диде ул. Виза өчен 35 евро урынына 80 евро түләргә кирәк булачак.

Шул ук вакытта Европа берлегенә русияләргә виза бирүне тулысынча тыю мәсьәләсендә аңлаша алмаганнар, күп кенә илләр моңа каршы чыккан.

@azatliqradiosi Открыть/Комментировать

2022-08-31 17:45:08 Интернетта КФУның яңа ректоры Ленар Сафинга каршы петиция чыккан

Интернетта КФУның яңа ректоры итеп Ленар Сафинны билгеләүгә каршы петиция чыккан. Бу хакта "Гроза" Telegram-каналы хәбәр итә.

"Русиянең иң борынгы университетларының берсенә әшнәлек ярдәме белән академик даирәдән булмаган кеше, зур коррупционер, сенатор Ленар Сафин билгеләнде. Русия мәгарифенең тәмам хәрабәләргә әверелүенә юл куймагыз!" диелгән петициядә.

Мөрәҗәгать Change.org сайтында чыккан. Аның авторы үзен "Тот Ктопротив" дип теркәгән. Бу минутка петицияне 30дан артык кеше имзалаган.

Берничә көн элек Яшел Үзән шәһәр шурасы депутаты Евгений Ефремов Казан федераль университетының төп бинасы янында яңа ректор Ленар Сафинга каршы ялгыз пикет оештырды. Ул плакатына "КФУга икенче Гафуров нигә кирәк?" дип язган иде.

Ленар Сафин 2010-2020 елларда Татарстан транспорт һәм юл хуҗалыгы министры булды.

@azatliqradiosi Открыть/Комментировать

2022-08-31 17:00:01 Открыть/Комментировать