'Калі яна знайшла той маленькі нож, то раскрыла яго і наставіл | Август2020

"Калі яна знайшла той маленькі нож, то раскрыла яго і наставіла на мяне са словамі: “Из-за таких сук, как ты, менты на улицах погибают”.

Ганна – маладая дзяўчынка, якая працавала ў Беларускай дзяржаўнай філармоніі. На чатыры жнівеньскіх дні яна, быццам, змяніла дзейнасць: ператварылася з музыканта ў актрысу. Здавалася, што дзяўчына знаходзіцца ў фільме пра вайну: людзей гвалтуюць, усюды кроў і холад. І фашысты – не немцы, а свае, беларусы, свае абаронцы народа і краіны. Толькі вось здымкі не спыняліся і акцёры не адпачывалі.