2022-03-28 05:17:06
الوَاحِدُ ﷻ / الأَحَدُ ﷻ
[Цхьаъ бен воцу Дела]
Лекха-Сийлахь волчу Аллахlа боху:
Боккъалла а, шун Дела - Цхьаъ бен воцург ву. [Сурат: ас-Саффат: аят:4]
И – Цхьаъ бен воцург, Нуьцкъалниг ву» [Сурат: ар-раlд, аят: 16]
Ала [хIай, Мухьаммад]: «И – АллахI - Цхьаъ ву, Шех тоам болу АллахI ву [И]. Цуьнах ваьлларг вац, я Ша цхьаьннах ваьлла а вац [И]. Я Цуьнца нисвала хилла а вац цхьа а [я Цуьнан цIершкахь а, я Цуьнан куьцашкахь а, я Цуьнан белхашкахь а]». [ал-Ихлас: аят: 1/4]
Шун Дела – цхьаъ бен воцу Дела ву. [Кхин] дела вац, И воцург‚ Къинхетамениг‚ Къинхетамбийрг Ша волу. [Сурат: ал-Бакъара, аят: 163]
Ала [хIай, Пайхамар]: «Соьга хаам бина, шун Дела - цхьаъ бен воцу Дела хилар. Бусалбанаш ца хуьлу, ткъа, шу? [я МуьтIахь ца хуьлу, ткъа, шу АллахIана?]» [ал-Анбийаъ:108]
Тайп-тайпанара дуккха а деланаш бу-те гIолехь я Ша Цхьаъ волу, Нуьцкъала волу АллахI ву-те?
[Сурат: Юсуф, аят: 39]
Ала [хIай, Пайхамар]: «Соьга хаам бина, шун Дела - цхьаъ бен воцу Дела хилар. Бусалбанаш ца хуьлу, ткъа, шу? [я МуьтIахь ца хуьлу, ткъа, шу АллахIана?]» [ал-Анбийаъ:108]
Ала ахь [хIай, Мухьаммад, цаьрга,]: «Боккъалла а, со а ду шу санна адам. [Дала] хаам бина соьга: шун Дела - Цхьаъ бен воцу Дела ву. Нийсачу новкъа а нислой, тIегIо Цунна». [Сурат: Фуссилат: аят 6/7]
Керстаналла дина олучара: «Кхааннах кхоалгIа ву АллахI [керстанийн динан дела-да, дела-кIант, дела-са маьIнехь болу кхетам]». [Кхин] дела вац, цхьаъ бен воцу [АллахI] Дела бен! Нагахь шаьш дуьйцучух уьш юха ца бовлахь, - царех болчу керстанех лазош долу [я балане] Iазап хьакхалур ма ду. [ал-Маъида: 73]
ХIай, Жайнин охIла! Барамал тIех ма дийла шайн динехь. АллахIан хьокъехь бакъдерг бен а ма ала. Боккъалла а, Марьяман кIант Масихь - Iиса - АллахIан элча а, Марьяме Цо тесна Цуьнан Дош а, Цуьнгара Са а ду. Иман дилла, ткъа, АллахIе а, Цуьнан элчанашка а. Ала а ма ала: «[Дела] - кхоъ ву [дела-да, дела-кIант, дела-са]!». ДIасовца [и ца олуш] - иштта дикох хир ду шуна шайна. Боккъалла а, АллахI - Цхьаъ бен воцу Дела ву. ТIехцIена ву И Шен кIант хиларх. Цуьнан ду стигалшкахь мел дерг а, лаьттахь мел дерг а. Тоьуш ду-кха Iуналхо а, Iалашдархо а АллахI хилар! [Сурат: ан-Нисаъ, аят: 171]
АллахIа элира: «Iибадат ма де шина далла, хIунда аьлча Дела цхьаъ ву. Сох цхьаннах кхера».
[Сурат: ан-Нахьл, аят: 51]
Ала [хIай, Мухьаммад]: «Хьенан тоьшалла ду уггаре а коьрта?». [Ахь айхьа] жоп ло [хIай, Пайхамар]: «АллахI теш ву суний, шуний юкъахь. ХIара Къуръан, хаам а бина, делла соьга – цуьнгахула соьга лардайтархьама шу а, и [Къуръан] шайна дIакхаьчнарш а. Боккъалла а, тоьшалла до, ткъа, аш, АллахIаца цхьаьна кхин а деланаш хиларна?». Ала [хIай, Мухьаммад]: «Ас-м ца до и тоьшалла». Ала [хIай, Мухьаммад]: «Цхьаъ бен воцу Дела ву И [АллахI]. Со декъахь а ма вац Делаца аш накъостий барна [ширк дарна]».
[Сурат: ал-Анlам, аят: 19]
И [АллахI] - стигалийн а, лаьттан а, царна юкъахь мел долчу хIуманан а Дела ву! «[ХIай, Мухьаммад!] Цунна Iибадат де ахь. Собаре [доьналле] а хила хьо Цунна Iибадатдарна тIехь. Кхиниг хаьий [вевзий] хьуна иштта цIе йолу [я Цуьнах тераниг хаьий (вевзий) хьуна]?». [Сурат: Марьям, аят: 61]
АллахI - цхьаъ ву, Шен куьцашкахь а, белхашкахь а, Делаллехь а. Цу дерригенехь Шеца цхьана а тайпана накъост воцург ву И.
«ал-Вахьид» аьлла йолу Аллахlан цIе Къуръан чохь [22] - хьахийна. «ал-Ахьад» аьлларг цкъа хьахийна.
https://t.me/Asmaul_husna
2.3K viewsedited 02:17
А
