Վերջ, Աղավնոն էլ դատարկվեց բոլորիս լռության տակ։ Ու թող ո՛չ | ԱրցախԻնֆո / АрцахИнфо
Վերջ, Աղավնոն էլ դատարկվեց բոլորիս լռության տակ։
Ու թող ո՛չ ոք չասի թե բա մենք ստասուս էինք գրել կամ մենք երկար - բարակ տեքստեր էինք գրում։ Ստատուսներով ու տեքստերով չպահեցիք, ինչպես տեսնում եք։
Փաստն այն է, որ Աղավնոն, Բերձորը և ներքին Սուսն քանի օր առանց լույսի, գազի, համացանցի էին մնացել։ Վերջին անգամ եկան, ևս մեկ անգամ «խնդրեցին» , հորդորեցին, որ լքենք Աղավնոն, քանի որ "ոչ ոք ձեր դիակները չի կարա գա հանի", կամ կարճ ասած, "ոչ ոք ձեր կյանքի համար այլեւս մի գրոշ էլ չի տա; դուք, ձեր գլխի ճարը"։
Ահավոր է գիտակցել, որ փաստացի, ազգիս մեծամասնությունը այս տարածքները հանձնելու վրա ևս աչք փակեց։
Ահավոր է գիտակցել, որ "կառավարություն" կոչվածը` № 2 դավաճանի գլխավորությամբ, կարելի է ասած անուղղակի սպառնաց, որ ոչ մի ձև չի օգնելու, սա միակ ճանապարհն է փրկության և ով զենք հայթայթի, վերցնի ու դիմադրի թշնամուն, համարվելու է ավազակ, տեռորիստ։
Ինչ ասեմ...
Սա է իրականությունը։
Փաստացի, ոչ ոք "չկարողացավ" կամ չուզեց գոնե մի 200 մարդ բերել/ուղարկել մեր մոտ։
Մենք ևս վերադարձանք, քանի որ մի քանի հոգով մնալը և առանց զենք կյանքդ տալը ճիշտ չէ, կարելի է գնալ մահվան, երբ գիտես, որ թիկունքում ունես մարդ, ով գոնե կտանի մարմինդ այդտեղից։
Ապագա կա, բոլորի կողմից արհամարված և ծնկաչոք խաղաղություն մուրացողների ապագա։
Ցանկություն էլ չունենք այսքան հիասթափությունից հետո որևիցե մեկի անունը լսելու։
Այսպես թքած ունենալով թիզ առ թիզ մեր երկիրը հանձնելու վրա, կա միայն պանդխտության և սպանդի ապագա։
Վայելեք, ի՞նչ ասեմ։
@arcaxinfo - ն (հուսանք ոչ վերջին անգամ) Աղավնոյից...