Үөрэх- билии үрдэлин дабайыы саҕаланна Амма улууһугар бүгүн, балаҕан ыйын 1 күнүгэр 18 оскуола аанын тэлэччи арыйан, алтан чуораан чугдаара тыаһаата.
Улуус үрдүнэн уопсайа оскуола боруогун аан бастаан 323 оҕо атыллаата, онтон 11-с кылааска 207 үөрэнээччи үөрэниэ. Ааспыт үөрэх дьылыгар оскуоланы 187 оҕо бүтэрэн, ситии-хотуу аттестатын ылан араас идэлэргэ үөрэнэр баҕалаах үөрэх кыһаларыгар киирдилэр.
Онтон бүгүн оскуолалар сайын устата чуумпуран туран баран, эмиэ оҕо саҥатынан туоллулар. Бары нэһилиэктэргэ Арассыыйа былааҕа күөрэччи көтөҕүллэн, өрөгөйүн ырыата ылланна.
Үгүс оскуолаларга оскуола боруогун 50 сыл аннараа өртүгэр атыллаабыт выпускниктар кэлэн бастакы кылаастарга бэйэлэрин бэлэхтэрин туттардылар.
Нэһилиэктэргэ балаҕан ыйын 1 күнэ хайдах ааспытын биһиги уопсастыбаннай кэрэспэдьиэннэрбит ыыппыт хаартыскаларыгар көрөн сэргээн.
@amma_olo5o
