Амма улууһугар бу күннэргэ куйаас күннэр тураллар. Салгын температурата 30 кыраадыска тиийэ итийэр, тыалырар. Бу тыа баһаара турарыгар олус кутталлаах. “Кураан күн-дьыл турарынан сибээстээн дьон тыаҕа аһаҕас уоту уматара булгуччу бобуллар. Маннык итии күннэргэ тыаҕа сынньана сылдьан уоту туттуман. Олбуор да иһигэр сэтиэнэх оту уоттуур булгуччу бобуллар. Итии күннэр тыа баһаардара тахсыыларын биир төрүөттэрэ буолаллар. Онон нэһилиэнньэ тыаҕа сылдьан олус сэрэхтээх буолуон наада. Кыра да уот улахан баһаары таһаарарын өйдөөн”, - диэн улуустааҕы ЫБМ хамыһыйатын бэрэссэдээтэлин солбуйааччы Эдуард Прокопьев иһитиннэрэр. @amma_olo5o 363 viewsedited 13:16
