Бемырзэ Зураб
Бжэщхьэlу
Си гур къыкIэрохур зы тэлайкIэ
Уи Iэм къыпыщэщ хьэжыгъэ хужьым,
ГъащIэм и кIэщIыгъуэм игу сыкъэкIыу,
Уи псэ къысхуэкIуэну зызыужьым.
Си гур къыкIэрохур зы тэлайкIэ,
Iэщlэхуауэ къызэреуэ уадэр,
Си цIэр къигъуэтыжу къыщыджакlэ
Илъэс бжыгъэ хъуауэ лIа си адэр.
Си гур къыкIэрохур зы тэлайкIэ
Лым къыхачыр сампlэм щралъхьэжкIэ,
Лъэпкъкlэ мэжэлlа Хэкужь къуэладжэм
Си адыгэ тlэкlур щыщlалъхьэжкlэ.
Гъащlэм и хьэлъагъыр схуэмыхьыжу
Сыббгъэдэсу, сыщыпхуезэшакlэ,
Зэшым къищыпар изокъухьыжри
Гум сыкъыкIэрохур зы тэлайкIэ...